Këngëtarja me origjinë shqiptare, Eleni Foureira performoi mbrëmjen e sotme në finalen e "Festivalit të Këngës" dhe e dogji skenën. Eleni performoi disa nga këngët e saj më të njohura si "Fuego", "Tomame", "Loquita" etj.
Pas performancës, Eleni foli shqip, pavarësisht se u shpreh që nuk e flet mirë, këngëtarja ia doli deri në fund. "Nuk flas shumë mirë shqip, por dua të them që jam shumë, shumë e lumtur që jam këtu në Shqipëri, në Tiranë. Faleminderit shumë, shumë", u shpreh Eleni dhe përshëndeti gjyshërit e saj që jetojnë në Vlorë.
"Kur isha shumë e vogël jetoja në Shqipëri, kam lindur në Fier, jam rritur në Vlorë dhe pastaj u zhvendosa në Greqi. Greqia është një vend i bukur dhe është atdheu im gjithashtu. Njerëzit në Greqi janë shumë të sjellshëm. Ata nuk janë racist dhe janë shumë humanë. Greqia është i vetmi shtet që i mban sirianët dhe nuk i përzë", tha Eleni ndërsa Alketa e quajti këngëtaren ambasadore të Shqipërisë në Greqi.
Eleni këndoi shkurt edhe dy këngë shqiptare "Mora çiften do dal për gjah" dhe "Nën një portokalle"./Xing.al
