Mëngjesin e ditës së djeshme, moderatorja Vilma Masha u bë nënë për herë të parë. Vilma solli në jetë një vajzë dhe lajmin e bukur e dha vetë ajo me një postim në Instagram ku shfaqej duke i mbajtur dorën vogëlushes. "Sot në mëngjes, zoti më bekoi me një ëngjëll të vogël. Drita e saj më ndriçoi fort shpirtin", shkruante Vilma.
Mësohet se moderatorja i ka vendosur vajzës emrin e veçantë Sea. E ftuar tek "Rudina" pak kohë më parë Vilma tregoi se e ka pasur gjithnjë dëshirë të bëhej me vajzë.
E pyetur si e mësoi që ishte shtatzënë, Vilma tregoi: "Bëra testin e shtatzënisë, isha me bashkëshortin, e prisja, kishim dëshirë të bëheshim me fëmijë. Kur pashë dy viza ishte shumë emocionuese, u hutova, fluks emocionesh".
