Moderatorja e njohur shqiptare, Vilma Masha, është bërë nënë për herë të parë mëngjesin e ditës së sotme. Lajmin e ëmbël e ka bërë të ditur vetë moderatorja, para pak minutash, duke publikuar një foto në profilin e saj të Instagramit.
Në foton në fjalë ajo shihet teksa mban shtrënguar dorën e vogëlushes. “Sot në mëngjes, zoti më bekoi me një ëngjëll të vogël. Drita e saj më ndriçoi fort shpirtin”, shkruan Vilma krahas fotos.
Kujtojmë që moderatorja dha lajmin e shtatzënisë një vit pas dasmës dhe gjatë periudhës së ëmbël, ajo është treguar diskrete duke publikuar rrallë fotografi.
