Pas 26 Nëntorit, kryeministri Edi Rama, iu ka qëndruar shumë pranë të prekurve nga tërmeti. Ndër to përmendim dy vogëlushët Alesio Cakoni dhe Aurel Lala, të cilët ai i ka quajtur ‘heronj’ dhe me të drejtë. Për të shpëtuar, dy djemtë janë hedhur nga pallatet e tyre dhe fatmirësisht kanë mbijetuar.
Që nga ai moment, Rama ka qëndruar shumë pranë tyre, duke i pajisur me shtëpi të re, duke iu mbuluar shpenzimet e shkollës, i ka takuar me futbollistët e preferuar dhe i ka shoqëruar për në shkollë me makinën e tij. Kryeministri iu kishte premtuar vogëlushëve që do t’i çonte ai në shkollë dhe e ka mbajtur fjalën.
Ditën e sotme Rama i ka marrë në makinën e tij dhe i dërguar në shkollën “Ahmet Zogu” në Tiranë. Ai ka publikuar një video në llogarinë e tij në Facebook ku shkruan: “Me Aurelin dhe Alesjon, në ditën e parë të shkollës, Ju uroj të gjithëve një javë të mbarë. Ti nuk do jesh kurrë vetëm.”
