Pak ditë më parë këngëtarja shqiptare me famë botërore Bebe Rexha erdhi në Shqipëri për të parë nga afër dëmet që shkaktoi tërmeti i 26 nëntorit. Këngëtarja vendosi të merrte përsipër ndërtimin e dy shtëpive në Bubq dhe deklaroi se nuk e harron kurrë origjinën e saj.
Në një intervistë për "Pasditja ime", Bebe ka premtuar se do rikthehet sërish në Shqipëri për të parë se si po ecën ndërtimi i shtëpive për të prekurit e tërmetit.
“Do të rikthehem sërish. Ky është qëllimi im! Unë dua të kthehem pasi ato janë rindërtuar, por ato mund të marrin rreth 4-5 muaj për t’u rindërtuar! Unë do të kthehem në pranverë për t’i vizituar sërish”, u shpreh Bebe Rexha.
Bebe tha gjithashtu se po punon për albumin e saj të ri e do të vijë në Shqipëri për të bërë një koncert.
