Enca është prekur pas lajmeve sipas të cilave ajo nuk ka kontribuar pas tërmetit që goditi vendin në 26 nëntor. Këngëtarja ka vendosur të reagojë duke publikuar arkivën e fotove ku solidarizohej me ngjarjen dhe është shprehur se ajo nuk shfrytëzon raste të tilla për vëmendje.
"Nuk jam kategoria e personazheve që të shfrytëzoj situata të tilla për vëmendje. Dhe as kategoria e atyre që postojnë gjithçka që bëjnë/ndihmat që ofrojnë. Dhe mbi të gjitha nuk i detyrohem askujt shpjegim për asgjë që bëj, por kjo temë më ka prekur aq shumë sa nuk mund të heshtja", shkruan Enca.
