'Mezi po pres të këndoj në dasmën time', Flori Mumajesi jep lajmin e bukur

Flori Mumajesi i ka munguar publikut prej një kohe të gjatë. Hera e fundit kur Flori performoi para publikut ishte vitin e kaluar në "Kënga Magjike" ku fitoi edhe çmimin e parë. Ndërsa gjatë këtij viti, Flori është komentuar shumë për mungesën e tij si në projekte, edhe në rrjete sociale.

Mirëpo sot Flori ka dhënë lajmin e bukur se po rikthehet fuqishëm me dy këngë të reja. Kantautori ka publikuar dy video ku dëgjohet pak nga projektet e reja.

Flori shprehet se këngën "Thjesht të du" e ka kënduar në një dasmë dhe mezi po pret ta këndojë dhe në dasmën e tij ndërsa kënga "Mbaroj" është baladë.

"E diela është ditë pushimi, por ka dhe nga ata që punojnë, përshembull unë në studio. Dy këngë të reja po vijnë. Në fakt njëren nga kënget do ta publikoj. Prandaj jam këtu sot. Janë dy materiale muzikore. Njëra quhet “Thjesht të du” dhe tjetra “Mbaroj”. Këngën e parë e kam kënduar në dasmën si kenga e çiftit dhe mezi pres ta këndoj dhe në dasmën time ndërsa "Mbaroj" është këngë shpirtërore, baladë", shprehet Flori.