Luana Vjollca ka startuar tanimë sezonin e ri të ‘Shiko kush luan’, në ekranin e Top Channel. Sigurisht që shumë të reja dhe shumë qejf na shoqëruan në ekran, nën moderimin e bukuroshes shqiptare.
Luana Vjollca di si të tërheqë vëmëndje me look-un e saj gjithmonë. Pritet me kuriozitet çdo dalje e saj në publik, pasi Luana ka fansa të shumtë dhe njerëz që i frymëzon.
E ditën e sotme vetëm pak orë para fillimit të emisionit, Luana na zbuloi se si do duket. Përmes disa postimeve në instagram, moderatorja e njohur na tregoi se ndodhej në studion e grimit, ku po bënte make up-in e emisionit argëtues.
Me flokët kaçurrela dhe një palë vëth të mëdhenj, artistja na mahniti me bukurinë e saj. Ndërkohë të ftuarit e sotëm janë Aleksander Gjoka, Redon Makashi, Elton Deda, Dritan Shakohoxha Mc Kresha, Lyrical Son, Flaka Krelani, Qeqa Krelani dhe Neraida Bega. Mezi po presim t’a shohim emisionin e sotëm, nga ku me siguri do shkrihemi së qeshuri.
