Këngëtarja Albërie Hadërgjonaj dhe modelja Emina Çunmulaj janë takuar së fundmi në Amerikë. Ato janë takuar në një kafe dhe Albëria është shprehur se Emina vjen nga Kalifornia dhe i bashkon shqiptarët në Amerikë.
Fillimisht Emina ka ndarë një video në Instastoryn e saj teksa ndodhet në një kafe dhe në televizor po dëgjohet një këngë e Albëries. “Po ku me të marrë moj Albërie se vetëm nëpër televizora…”, më pas ajo ka kthyer kamerën në drejtim të karrigeve ku ishte ulur këngëtarja.
Të dyja janë kënaqur shumë në praninë e njëra-tjetrës dhe Albëria ka nisur të këndoje shqip në mes të lokalit, shoqëruar nga tingujt e çiftelisë dhe Emina.
