Ditën e djeshme, moderatori Kelvi Kadilli dhe Arjola Shehu nëpërmjet një postimi konfirmuan lajmin se sezonin e ardhshëm do t'i shohim në emisionin e mëngjesit në Ora News.
"Jam i lumtur t’ju informoj nga burime të sigurta se do të shihemi në shtator tek ‘Ora News’. Mëngjeset do të jenë ndryshe me mua dhe Arjola Shehun.”, kishte shkruar Kelvi pranë fotove ku shihet duke nënshkruar kontratën.
Mirëpo, siç dihet prej vitesh emisionin e mëngjesit e prezantonte moderatorja, Dajana Shabani me Besmir Metanin, të cilët kanë reaguar lidhur me këtë lajm. Besmiri thjesht ka pëlqyer postimin e Arjolës, ndërkohë Dajana i ka lënë një koment Kelvin duke i thënë: "Kush të rekrutoi ty? Suksese gaforrja e gjimnazit na ndero emisionin”, ka thënë ajo teksa njëri nga fansat e ka pyetur se ku do e shohim sezonin e ardhshëm.
“Surprizë”, ka shkruar Dajana duke nënkuptuar që mund të vijë me një emision tjetër në shtator.
