Muajin e kaluar u bë e ditur se moderatorja bukuroshe Ilda Bejleri është larguar pas 11 vitesh nga Supersport pas një sherri me Shakohoxhën. Në një intervistë për "Pushime on Top", Dritan Shakohoxha ka treguar se ka qenë ai që ia dha lajmin e largimit nga puna moderatores Ilda Bejleri dhe sipas komentatorit ky vendim nuk u prit mirë nga Ilda.
“Mbase nuk e përjetoi mirë lajmin që i dhashë, por unë jam trajner përveçse brigadier dhe në periudhën e verës e rikompozojmë skuadrën. Në gjithë këto vite kanë hyrë dhe kanë dalë nga kjo skuadër shumë personazhe dhe ata që kanë ikur, kanë vazhduar karrierën e tyre diku tjetër. Unë e kam marrë në fillim në televizion [Ildën], bashkë me djemtë e stafit dhe ne vendosëm që ajo të shihte dhe opsione të tjera, në një kanal tjetër. E përjetoi me emocion largimin nga Digitalb por ne kemi qenë ata që i kemi dhënë mundesinë dhe ajo e ka shfrytëzuar shumë mirë dhe ka punuar si profesioniste…”, tha Shakohoxha.
