Këngëtarja e njohur Kida ka qenë së fundmi në vëmendje të mediave dhe është përfolur gjatë për raportin e saj me artistët e tjerët. Disa kohë më parë në media qarkulloi lajmi se ajo dhe reperja e njohur Tayna ishin zënë dhe teksa kanë qenë në një ambient nuk kanë shkëmbyer asnjë fjalë me njëra tjetrën.
E ftuar ditën e sotme në “Pushime on Top”, Kida është pyetur nga Flor Gjini për raportin që ka me kolegët e saj dhe Kida ka thënë: "Po, gjithmonë i kam pasur marrëdhëniet e mira me të gjithë, asnjëherë nuk kam pasur asgjë me askënd", ka thënë ajo teksa Flori nuk e ka lënë me aq.
Ai i ka përmendur Kidës sherrin me Taynën dhe këngëtarja ka hedhur poshtë lajmet duke treguar se mes tyre ka një marrëdhënie shumë të mirë.
"S’ e kam takuar Tayna-n? Jo, unë me Tayna-n kam ndenjur personalisht, kam ndenjur dhe kam shoqëri...", ka thënë ajo duke i dhënë fund spekulimeve.
