Në vendin tonë janë shënuar katër raste kur pacientët me Koronavirus janë vetëflijuar, duke u hedhur nga lartësia. Tre raste kanë ndodhur në Sanatorium, që shërben si spitali Covid-2 dhe njëri rast ndodhi ditën e djeshme te Infektivi.
Mjeku anestezist Arjan Panajoti, në një bisedë me gazetaren Jonida Shehu në "Radarin Informativ" në Abc News, është shprehur se shkaqet e këtyre vetëflijimeve janë të shumta, duke filluar nga paniku.
“Një është paniku që ata kanë nga një bum informacionesh të gjitha anët. Por, edhe mungesa apo tepria e okisgjenit që vepron mbi sistemin nervor. Pakësimi i oksigjenit në inde dhe në gjak çon në çregullime në tru apo në sistemin nervor…Këtyre u shtohet përdorimi i medikamenteve apo edhe kushtet e jashtme", është shprehur ai.
